Snjóplógar varna þotu Air Berlin brottför - myndir

Snjóplógar af stærstu gerð varna því að þota Air Berlin geti yfirgefið Keflavíkurflugvöll. Þá hefur þotunni verið komið fyrir á austurhlaði Keflavíkurflugvallar við svokallað silfurhlið þar sem staðin er sólarhrings vakt.

 

Isavia lét kyrrsetja þotuna í gærkvöldi vegna skulda flugfélagsins við flugvöllinn. Farþegum vélarinnar var boðið var með annarri þotu Air Berlin til Þýskalands.

 

Isavia hefur heimildir í loftferðalögum til þess að kyrrsetja loftför svo tryggja megi greiðslu vangoldinna gjalda, og hefur því úrræði verið beitt einu sinni áður á Keflavíkurflugvelli.

 

Um er að ræða vanskil á gjöldum sem stofnaðist til áður en Air Berlin fór í greiðslustöðvun. Þessi aðgerð er hins vegar eina úrræðið sem félagið hefur til þess að tryggja greiðslu skuldar Air Berlin.