Snjókoma með köflum

Veðurspáin gerir ráð fyrir suðaustan 8-13 m/s við Faxaflóann í dag og snjókomu með köflum. Snýst í suðvestan 5-10 seinni partinn og rofar til. Suðaustan 8-13 og fer aftur að snjóa á morgun. Vægt frost.

Veðurhorfur á landinu næstu daga:

Á fimmtudag:
Suðaustan 8-13 austantil, snjókoma norðaustantil en talsverð rigning eða slydda suðaustanlands. Norðaustan 10-15 og snjókoma á Vestfjörðum en hægviðri og stöku él suðvestanlands. Hiti 0 til 5 stig við suður- og austurströndina, en vægt frost.

Á föstudag:
Norðan 10-15 og snjókoma vestanlands en mun hægari og úrkomulaust á austanverðu landinu fram eftir degi. Frost 0 til 5 stig.

Á laugardag og sunnudag:
Norðvestlæg átt og él, einkum við sjóinn, en léttskýjað suðaustantil. Frost 0 til 8 stig.

Mynd: Fannfergið í gær gerði mörgum ökumanninum erfitt fyrir. Í Grindavík varð allt ófært. VF-mynd: Þorgils.