Snælduvitlaust veður á Garðskagavita

Það er snælduvitlaust veður á Garðskagavita. Þar mælast núna 23 m/s og hviður eru að fara í 28 m/s. Í nótt voru hviður að fara í 32 m/s og varla stætt í svoleiðis aðstæðum.
 
Á Keflavíkurflugvelli voru 19 m/s núna kl. 09:00 og hviður fóru í 24 m/s.
 
Í gildi er appelsínugul viðvörun fyrir Faxaflóa. Spáin er norðaustan og norðan 15-23 m/s, en 23-28 á Snæfellsnesi, Kjalarnesi og við Hafnarfjall þar sem vindhviður geta náð yfir 50 m/s. Hættulegar aðstæður til ferðalaga og foktjón mögulegt.