Slysalaust í hörðum árekstri

Betur fór en á horfðist þegar lítill sendiferðabíll hafnaði á ljósastaur á Reykjanesbraut, rétt við upphaf tvöföldunar sunnanmegin, og gjöreyðilagðist.

Ökumaður, sem var einn í bílnum, slapp ómeiddur og gekk óstuddur út, enda voru skemmdirnar farþegamegin á bílnum.

Önnur bifreið lenti utan vegar eftir að hafa ekið yfir brak úr fyrri bílnum, en tvennt var í þeim bíl og sluppu án meiðsla. Þá voru litlar skemmdir á bílnum.

Talið er að ökumaður hafi misst stjórn á bílnum í veðurofsanum sem var á brautinni, enda bálhvasst og slagviðri.