Slys um borð í bát

Ungur maður kjálka- og viðbeinsbrotnaði sl. miðvikudag þegar fjórar kassar, fullir af ísuðum fiski féllu ofan á hann.
Slysið átti sér stað um borð í bátnum Sóleyju Sigurjónsdóttur GK 200 sem var í Sandgerðishöfn. Neyðarlínan fékk tilkynningu um slysið og lögregla og sjúkrabíll fóru strax á staðinn. Ungi maðurinn var háseti á bátnum sem var að landa, en hann hafði verið að vinna við að færa fiskikassa með handlyftara. Skyndilega brotnaði hjólið undan handlyftaranum með þeim afleiðingum að kassarnir fjórir féllu ofan á manninn. Hann var fluttur á Heilbrigðiststofnun Suðurnesja þar sem gert var að sárum hans.