Slys í Heiðarskóla og flensuútköll

Sjúkrabíll var kallaður að Heiðarskóla í Keflavík skömmu fyrir hádegi. Stúlka hafði skorist í íþróttasal skólans. Farið var með stúlkuna á Heilbrigðisstofnun Suðurnesja þar sem gert var að meiðslum hennar. Þau voru ekki alvarleg.Sjúkrabílarnir í Keflavík hafa farið í nokkur útköll sem tengjast flensunni sem nú herjar á landsmenn. Ekkert alvarlegt tilfelli hefur komið upp í tengslum við flensuna. Víða eru vinnustaðir fámennir sökum flensu. Annað hvort eru starfsmenn veikir eða börn starfsmanna og þá er ekkert annað að gera en að taka sér frí.