Slökkvitæki inn um glugga á lögreglustöð

Slökkvitæki var hent inn um glugga lögreglustöðvarinnar í Grindavík rétt fyrir klukkan eitt í nótt.

Mesta mildi þykir að enginn var á stöðinni þegar atvikið átti sér stað, en tækinu, sem er tveggja kílóa kolsýrutæki, var kastað af alefli í rúðu lögreglustöðvarinnar með þeim afleiðingum að hún brotnaði. Tækið lenti í tölvuskjá, sem eyðilagðist.

Ekki er vitað hverjir þarna voru að verki, segir í frétt á mbl.is.