Sleginn í andlitið og nefbrotnaði

Maður var sleginn í andlitið á skemmtistað í Reykjanesbæ í nótt með þeim afleiðingum að hann nefbrotnaði. Farið var með manninn til læknisskoðunar á HSS en málið er nú í rannsókn hjá lögreglu.

 

Talsverð ölvun var á Hafnargötunni í nótt og var fjölmenni úti á lífinu þar sem Fjölbrautaskóli Suðurnesja útskrifaði nemendur fyrr um daginn. Lögreglan þurfti að hafa afskipti af nokkrum einstaklingum og gista nú tveir menn fangageymslurnar sökum ölvunarástands.