Slæmur ávani kostar fimmþúsundkall!

Um helgina voru samtals þrír ökumenn kærðir fyrir að tala í farsíma við akstur án handfrjáls búnaðar. Virðist sem ökumönnum gangi illa að venja sig af þessum slæma ávana, en við þessu liggur nú 5.000,- króna sekt.Þá voru samtals 13 ökumenn kærðir fyrir að vera ekki í öryggisbelti.

Einn ökumaður kærður fyrir stöðvunarskyldubrot og umráðamenn 11 bifreiða kærðir fyrir vanrækslu á aðal og endurskoðun bifreiða sinna.

Skráningarnúmer voru tekin af fjórum bifreiðunum vegna vanskila á greiðslu fyrir lögboðna ökutækjatryggingu.