Slá upp fyrir brú við Grindavíkurveg

Framkvæmdir við Reykjanesbraut ganga framar vonum og er vinna við fyrstu brúna í mislægu gatnamótunum, við Grindavíkurveg, hafin.

Þegar ljósmyndari Víkurfrétta átti leið þar hjá í dag voru verkamenn frá Eykt í óða önn við járnabindingar og verður þess vart langt að bíða þar til steypuvinna hefst.

Alls verða átta brýr reistar við fern mislæg gatnamót í þessum áfanga tvöföldunarinnar.

VF-myndir/Þorgils