Skýjað og rigning eða súld með köflum

Klukkan 06:00 var suðlæg átt, 3-8 m/s, en allt að 15 m/s norðvestantil. Súld eða rigning suðvestan- og vestanlands, annars skýjað að mestu og þurrt. Hiti 2 til 11 stig, hlýjast á Sauðanesvita.

Við Scoresbysund er vaxandi 1000 mb lægð á leið norðaustur, en skammt suður af Hvarfi er 985 mb lægð sem fer austnorðaustur.

Veðurhorfur á landinu til kl. 18 á morgun:
Suðlæg átt, víða 5-10 m/s. Skýjað og rigning eða súld með köflum, en úrkomulítið norðanlands. Vaxandi norðaustlæg átt síðdegis og rigning um nær allt land, víða 8-15 m/s í kvöld, en suðvestan 5-10 suðaustantil. Norðan og norðvestan 10-18 í nótt. Dregur smám saman úr vindi á morgun og léttir til um landið sunnanvert, annars él eða skúrir. Hiti 3 til 10 stig, en kólnar talsvert í nótt og á morgun.