Skýjað með köflum í dag

Klukkan 6 hæg breytileg átt á landinu. Skýjað með köflum sunnanlands og víða þokumóða eða súld við suður- og suðausturströndina. Norðantil á landinu var léttskýjað eða bjartviðri. Hiti var 7 til 15 stig, hlýjast í Ásbyrgi og á hálendinu norður af Vatnajökli.

Hæg suðlæg eða breytileg átt. Skýjað með köflum vestantil, en annars víða léttskýjað eða bjartviðri. Þó eru líkur á þokubökkum við ströndina sunnan- og austantil. Hæg breytileg eða vestlæg átt á morgun. Skýjað að mestu vestanlands og dálítil súld eða skúrir, en skýjað með köflum austantil. Hiti 13 til 23 stig að deginum, hlýjast norðaustan- og austanlands.