Skýjað með köflum í dag

Í morgun kl. 6 var suðvestan 3-8 m/s, skýjað með köflum og stöku skúrir suðvestantil á landinu, hæg breytileg átt, skýjað og þurrt suðaustanlands, en annars austlæg átt, víða fremur hæg og rigning eða slydda. Hiti var 0 til 6 stig, hlýjast sunnanlands.
Veðurhorfur á landinu næsta sólarhring: Norðaustan 8-15 m/s víða norðvestantil, en annars mun hægari vestlæg eða breytileg átt. Rigning eða slydda norðantil, en snjókoma í kvöld. Annars skýjað með köflum og stöku skúrir eða slydduél, en léttir til suðaustantil þegar líður á daginn. Hiti 0 til 7 stig að deginum, hlýjast sunnanlands.
Veðurhorfur við Faxaflóa næsta sólarhring: Suðvestan 3-8 m/s, skýjað með köflum og smáskúrir, en hæg breytileg átt í kvöld. Hiti 1 til 6 stig.