Skýjað með köflum

Klukkan 6 voru norðan 3-8 m/s austanlands, en annars hægari norðlæg eða breytileg átt. Skýjað var norðvestantil en bjartviðri í öðrum landshlutum. Kaldast var við frostmark í Fnjóskadal, en hlýjast 9 stiga hiti á Garðskagavita.

Suðvestan 3-8 m/s vestantil og þykknar upp með morgninum, en hægari vindur og bjartviðri um landið austanvert. Dálítil súld eða rigning vestan- og norðanlands um og upp úr hádegi, annars skýjað með köflum. Hæg norðvestlæg eða breytileg átt á morgun, skýjað að mestu og víða dálítil þokusúld við ströndina. Hiti 9 til 15 stig yfir daginn, hlýjast austantil í dag.