Skýjað í dag

Veðurstofan gerir ráð fyrir austan og norðaustan átt, víða 3-8 m/s. Dálítil súld eða þokuloft austantil og á annesjum norðantil, en annars skýjað að mestu og skúrir, einkum um landið vestanvert síðdegis. Austlæg átt 3-8 m/s á morgun, en 8-13 við suðurströndina. Dálítil súld eða þokuloft austantil og á stöku stað norðantil, en annars skýjað með köflum og síðdegisskúrir, einkum um landið sunnanvert. Hiti 6 til 17 stig, hlýjast í innsveitum.