Skýjað en úrkomulítið

Veðurstofan gerir ráð fyrir suðlægri átt með 5-13 m/s en hvassast ætti að verða vestan til. Þá er því spáð að skýjað verði og úrkomulítið í dag en rigning í nótt. Gert er ráð fyrir að léttskýjað verði með köflum um landið norðaustanvert. Hiti ætti að verða 5 til 12 stig yfir daginn. Veðurhorfur við Faxaflóa næsta sólarhring: Suðaustan 8-13 m/s og dálítil rigning eða súld með köflum, en lítið eitt hvassari síðdegis. Hiti 5 til 10 stig.