Skýjað að mestu og smáskúrir

Klukkan 6 í morgun var fremur hæg austlæg átt á landinu. Skýjað að mestu sunnan- og vestantil, en annars bjartviðri. Hiti frá 8 stigum á Suðvesturhorninu niður í 4 stiga frost á Egilsstöðum.

Á Garðskagavita voru SSA 6 og 8,4 stiga hiti klukkan 8 í morgun.

Veðurhorfur við Faxaflóa næsta sólarhringinn:
Austlæg átt, 3-8 m/s. Skýjað að mestu og smáskúrir. Léttir heldur til í kvöld. Hiti 5 til 12 stig.

Veðurhorfur á landinu til kl. 18 á morgun:
Norðaustan eða austan 3-8 m/s. Bjart með köflum um landið norðanvert, en stöku él norðaustantil í nótt og á morgun. Skýjað að mestu í öðrum landshlutum og smáskúrir, en léttir til vestanlands í kvöld, en sunnanlands á morgun. Hiti 5 til 11 stig suðvestanlands, en hiti 1 til 8 stig í öðrum landshlutum, og sums staðar næturfrost.