Skúrir og hægviðri í dag

Kl. 6 var norðaustanátt, víða 8-13 m/s, en hvassari á Vestfjörðum. Rigning eða slydda var víða á landinu, en stöku skúrir sunnan til. Hiti var 0 til 6 stig, hlýjast suðaustan til.

Yfirlit:
Skammt suður af Ingólfshöfða er 966 mb lægð, sem þokast norður.


Veðurhorfur á landinu til kl. 18 á morgun:
Norðaustan 8-13 m/s og víða dálítil rigning eða slydda, en 13-18 og snjókoma norðvestanlands. Lægir yfirleitt með morgninum og dregur úr úrkomu, en áfram norðaustan 13-18 og slydda eða snjókoma norðvestanlands. Suðvestan 5-13 og skúrir sunnan og austan til í dag, en mun hægara og úrkomulítið á Norðausturlandi. Sunnan og suðvestan 3-8 og víða skúrir á morgun, en bjart norðaustanlands. Hiti 0 til 7 stig að deginum, hlýjast á Suðausturlandi.

Veðurhorfur við Faxaflóa næsta sólarhringinn:
Norðan 8-13 m/s og skúrir, en hægari eftir hádegi. Suðvestan 5-8 á morgun. Hiti 0 til 5 stig.