Skúrir í dag, rigning í nótt

Klukkan 6 var suðlæg átt, 3-8 m/s. Skýjað að mestu og skúr á stöku stað. Svalast 7 stiga hiti á Brú á Jökuldal en hlýjast 13 gráður á Egilsstöðum.

Veðurhorfur á landinu til kl. 18 á morgun:
Sunnan og suðaustan 3-8 og skúrir sunnan- og vestantil en annars skýjað með köflum. Rigning suðvestantil í nótt og vestantil í fyrramálið en skúrir þar síðdegis á morgun. Hiti 12 til 20 stig, hlýjast í innsveitum norðan- og norðaustanlands.