Skúrir í dag – rigning á morgun

Suðvestan 8-13 og skúrir um landið vestanvert. Sunnan 5-13 og dálítil rigning um landið austanvert í fyrstu, en hægari suðvestan átt og léttir heldur til þegar líður á daginn. Hægari vindur í kvöld og nótt. Gengur í austan 8-13 með rigningu sunnantil á morgun, en hægari og lengst af bjartviðri fyrir norðan. Hiti 4 til 11 stig.

Faxaflói
Suðvestan 8-13 m/s og skúrir. Hægari í kvöld og nótt, en austan 8-13 og rigning á morgun, einkum sunnantil. Hiti 5 til 10 stig.

Veðurhorfur á landinu næstu daga

Á fimmtudag og föstudag:
Gengur í fremur stífa norðan átt með rigningu um landið norðanvert, en léttir smám saman til fyrir sunnan. Hiti 2 til 10 stig, hlýjast syðst.

Á laugardag, sunnudag og mánudag:
Lítur út fyrir nokkuð hvassa norðanátt með rigningu eða skúrum, en þurru og björtu veðri sunnantil. Fremur svalt í veðri.