Skuldaviðmið Reykjanesbæjar verður 149% árið 2022
Aðlögunaráætlun Reykjanesbæjar til ársins 2022 er lögð fram á fundi bæjarstjórnar í dag til fyrri umræðu. Samkvæmt aðlögunaráætlun mun skuldaviðmið samstæðu Reykjanesbæjar verða 149% í lok tímabilsins sem aðlögunaráætlunin tekur til. Aðlögunaráætlunin er, til viðbótar þeim forsendum sem er að finna í áætluninni sjálfri, bundin þeirri forsendu að samkomulag um endurskipulagningu efnahags og endurfjármögnun skulda Reykjanesbæjar og samstæðu takist en viðræður við kröfuhafa standa enn yfir.
