Skora á sjávarútvegsráðherra vegna makrílveiða

Bæjarráð Garðs lýsir yfir stuðningi við makrílveiðar smábáta og skorar á sjávarútvegsráðherra að endurskoða þá ákvörðun að stöðva veiðarnar. Veiðar á makríl sem veiddur er á færi á grunnslóð og við ströndina fer allur til vinnslu í landi og skapar þannig fjölmörg störf.

Bæjarráð Garðs skorar á sjávarútvegsráðherra að heimila makrílveiðar smábáta áfram og hvetur ráðherra til að auka hlutfall þess magns sem veitt verður á færi þar sem veiðarnar efla og hleypa lífi í smærri byggðarlög vítt og breitt um landið samhliða aukningu á hágæða hráefni til manneldis.

Bæjarstjórn Sveitarfélagsins Garðs mun svo taka tillöguna fyrir á næsta fundi sínum.