Skólarnir vaknaðir til lífsins

Skólasetning í flestum skólum Suðurnesja í dag þar sem fjöldi nemenda er að hefja skólagöngu.

Nú getur líf ungmenna á Suðurnesjum aftur farið að ganga sinn vanagang eftir frábært sumar. Skólastarf er nefnilega hafið. Í flestum skólum Suðurnesja var skólasetning í dag þar sem sólbrenndir krakkar fylltu sali og ganga og það var sannarlega líf í tuskunum. Ljósmyndari VF kíkti við á skólasetningu Holtaskóla nú í morgun þar sem þessar myndir voru teknar.