Skólamaturinn ókeypis í Vogum

Vegna fréttar um verðkönnun á skólamat er rétt að taka fram að þar var einungis verið að vitna í verðkönnun ASÍ sem náði til 15 stærstu sveitarfélaganna á landinu. Reykjanesbær var eitt sveitarfélaga á Suðurnesjum í könnuninni og var með lægsta verðið á skólamat í samanburði við þau sveitarfélög sem könnunin náði til.

Ber að geta þess að Sveitarfélagið Vogar er annað tveggja sveitarfélaga á landinu sem býður upp á ókeypis skólamáltíðir og hefur gert síðustu sex ár.