Skoða innkomuvöktun í Garðinum

Bæjaryfirvöld í Garði skoða nú þann möguleika að setja upp innkomuvöktun í sveitarfélaginu. Á fundi bæjarráðs Sveitarfélagsins Garðs á dögunum var tekið fyrir minnisblað bæjarstjóra þar sem fjallað var um fund starfsmanna sveitarfélagsins með fulltrúum Securitas, varðandi eftirlitsmyndavélar við innkomu í byggðarlagið.  

 

Samþykkt var samhljóða að fela bæjarstjóra að vinna áfram að málinu á grundvelli minnisblaðsins og leggja tillögu fyrir bæjarráð um framhald málsins.

 

Sveitarfélagið Vogar hefur verið með innkomuvöktun í Vogum í nokkur ár.