Skoða hvað læra megi af stórframkvæmdum á Austurlandi
– vetrarfundur SSS haldinn í Garðinum á föstudaginn
Vetrarfundur Sambands sveitarfélaga á Suðurnesjum verður haldinn á föstudaginn í Miðgarði, sal Gerðaskóla í Garði.
Atvinnumál á Suðurnesjum, uppbygging við Keflavíkurflugvöll, erlendir starfsmenn - réttindi þeirra og skyldur og „Einn réttur - ekkert svindl“ verða viðfangsefni fundarins.
Undir atvinnumálum verður rætt um stórframkvæmdir á Austurlandi og hvað megi læra af þeim en á Suðurnesjum hefur á skömmum tíma hlaupið mikið líf í atvinnumálin og atvinnuleysi orðið eitt það minnsta á landinu.
Fundurinn hefst kl. 15:00 á föstudag en gert er ráð fyrir því að fundinum ljúki kl. 18:30.
