Skjávarpar komnir í allar stofur Gerðaskóla

Skjávarpar hafa verið settir upp í allar kennslustofur Gerðaskóla í Garði. Þá hafa allir umsjónarkennarar fengið fartölvu sem notuð verður við kennslu. Þá hafa tölvur í tölvuveri skólans verið endurnýjaðar.

Skólanefnd Garðs kom saman til fundar þann 10. ágúst sl. Þar var Oddný Harðardóttir kosin formaður skólanefndar og Ásbjörn Jónsson kosinn varaformaður. Þá var erindisbréf fyrir skólanefnd lagt fram og yfirfarið. Erindisbréfið verður lagt fyrir bæjarstjórn með athugasemdum skólanefndar.

Á fundinum kom fram að fjórir nýir starfsmenn hafa verið ráðnir til Gerðaskóla. Þeir eru: Særún Ástþórsdóttir kennari, Vitor Hugo leiðbeinandi, Sigríður Þorleifsdóttir leiðbeinandi og Dagbjört Þráinsdóttir stuðningsfulltrúi.