Skjálftahrina í Krýsuvík

Það var víðar órói en í miðbæ Reyjanebæjar í nótt því skjálftahrina hefur staðið yfir í Krýsuvík. Jarðskjálfti, sem mældist 3 stig á Richter, varð klukkan 00:45 í nótt undir vesturenda Kleifarvatns.

Einar Kjartansson, jarðeðlisfræðingur á Veðurstofunni, segir í samtali við RUV í morgun að skjálftinn hafi orðið á 5 kílómetra dýpi. Skjálfta verði oft vart nærri Krýsuvík og Kleifarvatni. Starfsfólk Veðurstofunnar fann fyrir skjálftanum. Hann fannst einnig vel í Hafnarfirði. Um 50 minni skjálftar hafa orðið norðaustur af Krísuvík frá miðnætti.

Mynd: Skjálftakort Veðurstofu Íslands sýnir staðsetningu skjálftanna.