Skipulögð glæpastarfsemi

Tollgæslan á Keflavíkurflugvelli telur að um skipulagða glæpastarfsemi að ræða varðandi þær 23 þúsund e töflur sem teknar voru af þýskum karlmanni í Leifsstöð aðfaranótt 22. desember síðastliðinn. Götuverðmæti efnisins er talið nema á milli 80 og 100 milljóna króna.

Kári Gunnlaugsson deildarstjóri Tollgæslunnar á Keflavíkurflugvelli segir að rannsóknin sé flókin og vitorðsmanna á Íslandi sé leitað.

Samkvæmt heimildum fréttastofu var Þjóðverjinni illa til reika við komuna til Íslands og vakti þannig á sér grunsemdir tollvarða sem fundu efnið í farangri hans. Ekki er ólíklegt að hans bíði 5-6 ára fangelsisvist.

Þetta er næst mesta magn e taflna sem hafa fundist hér á landi og tollgæslan fullyrðir að um skipulagða glæpastarfsemi sé að ræða. Kári segir að líklegt sé að stefnt hafi verið að því að koma efninu á markað fyrir áramótin og það hafi verið hugsað fyrir yngra fólk sem frekar neyti e taflna.