Skiptu um hreyfil á þotu WestJet í Keflavík

Þota kanadíska flugfélagsins WestJet er ennþá á Keflavíkurflugvelli eftir að henni var lent þar með 258 manns um borð sl. laugardag. Annar hreyfill þotunnar, sem er Boeing 767, bilaði á flugi yfir Atlantshafi en þotan var á leið frá London í Englandi til Edmonton í Kanada.

Farþegar lýstu því sem svo að skrenging hafi orðið í hreyfli þotunnar og óskuðu flugmenn hennar í framhaldi eftir því að fá að lenda á Keflavíkurflugvelli.

Hér lenti þotan um miðjan dag sl. laugardag og var öllum farþegum komið á hótel í Keflavík og Reykjavík.

Sérfræðingar frá WestJet komu svo til landsins ásamt tveimur þotum til að sækja fólkið og koma því áfram til Kanada. Eftir skoðun á þotunni í Keflavík kom í ljós að hreyfillinn var það illa farinn að skipta þurfti um hann.

Búið er að skipta um hreyfilinn en vélin býður ennþá á Keflavíkurflugvelli.

Myndin er af þotunni þar sem hún stendur á austursvæði Keflavíkurflugvallar. VF-mynd: hilmarbragi