Skilvísir Vogabúar

Í hverjum mánuði gefur Sveitarfélagið Vogar út fjöldann allan af reikningum vegna skatta og gjaldskyldrar þjónustu, til að mynda fasteignagjöld, leikskólagjöld, frístundaskóla og fleira.
Í vikulegu fréttabréfi segir Ásgeir Eiríksson bæjarstjóri í Vogmum að það sé ánægjulegt að segja frá því að um 85% greiðenda eru alla jafna skilvísir, þ.e. hafa greitt áður en til fyrstu innheimtuaðgerða kemur.

„Við fylgjumst reglulega með innheimtuárangrinum og vinnum stöðugt að því að bæta hann. Markmið okkar er að ná enn betri árangri í innheimtu gjaldanna, ekki síst til að íbúar okkar verði ekki fyrir óþarfa og íþyngjandi innheimtu- og vanskilakostnaði,“ segir Ásgeir bæjarstjóri.