Skemmti- og fræðsludagur ungra ökumanna

Ungmenni sem fædd eru árið 1988 og eru nú að ljúka ökuprófi eru boðin velkomin á skemmti- og fræðsludag um umferðaröryggi í 88 Húsið miðvikudaginn 15. september n.k. Skemmti- og fræðsludagurinn er liður í umferðar- og öryggisátaki Reykjanesbæjar og er hann unninn í samvinnu við Lögregluna í Keflavík, Brunavarnir Suðurnesja, 88 Húsið og Fjölbrautaskóla Suðurnesja en allir nemendur í áfanganum SAM taka þátt.

Margvísleg dagskrá er fyrirhuguð og fá ungmennin prófa og skoða ýmislegt sem tengist umferðaröryggi s.s. sýnishorn af slysavettvangi, veltibíl, árekstrarbíl , klippur og ölvunargleraugu svo eitthvað sé nefnt. Lögregla og Brunavarnir Suðurnesja verða með fræðslu um það sem getur farið úrskeiðis í umferðinni og hvernig best sé að fyrirbyggja slys. Skemmti- og fræðslukvöldið verður nánar auglýst í Fjölbrautaskólanum og á helstu stöðum í Reykjanesbæ, en frá þessu er greint á vef Reykjanesbæjar.