Skemmdarverk unnin á Skessunni og ljóskösturum

Skessan í Hellinum við smábátahöfnina í Grófinni hefur orðið fyrir barðinu á skemmdarvörgum. Starfsmenn Reykjaneshafnar hafa að undanförnu lagað eina tánna á henni sem var brotin, sem og fingur. Þá var skipt um læri á henni á dögunum og í morgun sinntu hafnarstarfsmenn tannviðgerðum á Skessunni en önnur framtönnin hafði verið brotin úr.

Skemmdarverk hafa einnig verið unnin á sex af átta ljóskösturum við tankinn á Vatnsholti. 

Ljósmyndir af Facebook-síðunni Reykjanesbær - Gerum góðan bæ betri.