Skemmdarverk í Sandgerði

Ljót sjón blasti við Sandgerðingum í morgun þar sem einhverjir óprúttnir aðilar höfðu farið um og unnið margvíslegar skemmdir.

 

Á vefnum 245.is segir að nýlega gróðursett blóm hafi veirð rifin upp við listaverkið Álög og úr blómakeri við nýju sundlaugina. Þar hafi blómakarfa einnig verið slegin niður úr ljósastaur og rúða brotin í gröfu sem stóð við sundlaugina. 

 

Þeir sem kunna að búa yfir vitneskju um málið eru beðnir að hafa samband við Áhaldahús Sandgerðisbæjar í síma 423-7515.

Myndir/www.245.is