Skemmdarvargar handteknir í morgun

Skömmu eftir kl. 05:00 í morgun var lögreglunni í Keflavík tilkynnt um þrjá pilta er létu dólgslega á Hafnargötunni í Reykjanesbæ. Höfðu piltarnir brotið niður auglýsingaskilti við verslunina Hljómval ásamt því að rífa leiðslur úr sambandi á ljósastaur utan við veitingastaðinn Ránna. Lögreglan handtók piltana en þeim var sleppt að lokinni skýrslutöku. Ræsa varð út rafvirkja til að aftengja rafmagnið af staurnum.