Skaflar fljótir að hlaðast upp

Helstu stofnbrautir innanbæjar í Reykjanesbæ eru færar en afar erfitt er að komast leiðar sinnar í efri hverfum. Reykjanesbraut, Grindavíkurvegur og Vogavegur eru enn lokaðir og óvíst með opnun. Í þessum vindi eru skaflar ansi fljótir að hlaðast upp og gera það að verkum að ófært er um þessa vegi.

Meðfylgjandi ljósmynd, sem lögreglan á Suðurnesjum birti rétt í þessu, er af Grindavíkurvegi í morgun og sýnir um tíu metra langan skafl sem hefur myndast þar.