Skafbylur snemma í fyrramálið

Veðurstofa Íslands hefur sent frá sér viðvörun vegna óveðurs á landinu á morgun, þriðjudaginn 1. desember. Spáin fyrir landið sunnanvert er á þann veg að það verður vaxandi austanátt í nótt. Snemma í fyrra­málið má bú­ast við slæmu skyggni vegna skafrenn­ings víða suð-vest­an­lands, þar með talið á höfuðborg­ar­svæðinu og á Reykja­nes­braut. Upp úr klukkan 6 í fyrramálið verður skafbylur á Reykjanesi. Þegar líður á morguninn hvessir enn og fer að snjóa og má bú­ast við mik­illi snjó­komu fram eft­ir degi. Síðdeg­is milli kl 15:00 og 18:00 snýst vind­ur í hæg­ari vest­anátt með élja­gangi, fyrst á Reykja­nesi. 

Lögreglustjórinn á Suðurnesjum mælir með því á Facebook-síðu sinni að hafi fólk tök á, verji það morgundeginum í smákökubakstur, lagi sér heitt kakó og hlusti á jólalögin.