Sjómannadagurinn haldinn hátíðlegur

Sjóarinn Síkáti nær hápunkti sínum í dag, sjómannadaginn.

 

Síðustu tvo daga hefur verið skemmtileg dagskrá þar sem allir hafa getað fundið sér eitthvað við sitt hæfi. Í dag verður dagskráin enn þéttari og veðrið virðist ætla að haldast skaplegt.

 

Vert er að geta þess að sjómannakaffi verður í samkomuhúsinu í Sandgerði kl. 17 og í Duushúsum í Reykjanesbæ verður svokallað sófaspjall þar sem gestir geta sest niður í forláta sófa sem þar er og rifjað upp skemmtilegar sögur af sjónum.