Sjóhúsið við Lambastaði í Garði þarf að verja

 

Ferða-, safna- og menningarnefnd Sveitarfélagsins Garðs leggur áherslu á að sérstaða og starfsemi Byggðasafnsins á Garðskaga þurfi að vera skýr. Vélbátar og útgerð eru þar mikilvægur þáttur.

Í fundargerð nefndarinnar frá 20. janúar sl. er lögð áhersla á að vörin og sjóhúsið á Lambastöðum verði varin fyrir frekari skemmdum. Klæðning er farin að fjúka af húsinu og hefur Björgnuarsveitin Ægir í Garði m.a. farið í útköll til að hefta fok frá sjóhúsinu.

 

---

Mynd: Sjóhúsið á Lambastöðum stendur á sjávarkambinum ekki langt frá Byggðasafninu á Garðskaga. Það er farið að láta á sjá, en það getur ekki talist mikil framkvæmd að skipta a.m.k. um klæðningu á húsinu. Víkurfréttamynd: Hilmar Bragi Bárðarson