Sjávarútvegsráðherrann er algjör ómerkingur
Kristján Gunnarsson, formaður Verkalýðs- og sjómannafélags Keflavíkur, segir sjómenn mjög óhressa með frestun verkfalls með lagaboði. „Sjávarútvegsráðherrann er algjör ómerkingur í þessu máli og hann á ekkert traust sjómanna. Þetta fúla bragð var eitthvað það síðasta sem maður átti von á. Mér líst bölvanlega á þessi inngrip ríkisstjórnarinnar í verkfallið. Þetta er ekkert annað en mannréttindabrot sem á að sjálfsögðu að kæra hvert sem hægt er, til Mæðrastyrksnefndar ef með þarf.“
Til hvaða ráða geta sjómenn gripið?
„Við erum í alþjóðasamtökum verkafólks og í Alþjóða flutningamannasambandinu. Þetta verður því tekið upp á alþjóðavísu og slík mál fara þá til Brussel“, segir Kristján Gunnarsson. Hann telur frestun verkfallsins gera það að verkum að menn séu nú aftur á byrjunarreit.
„Það eru hreinar línur að menn eru í miklu meiri klemmu en áður var. Ég er búinn að heyra í körlunum mínum og það eru skýr skilaboð um að nú vilji menn bara halda sig við upphaflega kröfugerð. Með þessari lagasetningu fengum við blautan sjóvettling í andlitið eina ferðina enn.“
Hvert er framhaldið?
„Það er búið að boða til samningafundar í dag klukkan hálftvö. Ég á ekki von á miklum gangi í viðræðum, nema útvegsmenn mæti þá gjafmildir til leiks. Þessi karlagrey sem ekkert vissu um
lagasetninguna fyrr en klukkan fimm, þrátt fyrir að þeir hafi verið að boða menn til skips um klukkan tvö á mánudag. Það er því greinilegt að Friðrik J. Arngrímsson hjá LÍÚ virðist vita miklu minna um þetta en óbreyttir útgerðarmenn úti á landi.
Ég frétti af útgerðamönnum norður á Sauðárkróki og í Keflavík sem voru búnir að boða sína menn um miðjan dag á mánudag. Þeir skyldu fara að koma sér í gallann því það væru að koma lög. Allt flug var þá meira og minna þéttsetið af sjómönnum sem voru að reyna að komast til skips, en LÍÚ vissi samt ekkert um lagasetninguna,“ sagði Kristján Gunnarsson.
Friðrik J. Arngrímsson, framkvæmdastjóri Landssambands íslenskra útvegsmanna, segir að í dag verði haldið áfram viðræðum þar sem frá var horfið. „Ég á ekki von á að frestun verkfalls breyti neinu, en það er þó langt frá því að það sé búið að leysa deiluna.“ Hann sagðist ekki vilja vera með neinar getgátur um það hvort samningar næðust áður en verkfallsfrestunin rennur út. Hann aftók að samninganefndarmenn hefðu vitað um lagasetninguna fyrr en síðdegis á mánudag.
„Við fórum á fund með ráðherranum 20 mínútur yfir þrjú. Við fengum síðan fréttirnar af ákvörðuninni opinberlega fyrst í útvarpinu klukkan fimm,“ sagði Friðrik Arngrímsson. Mbl.is greindi frá.
Til hvaða ráða geta sjómenn gripið?
„Við erum í alþjóðasamtökum verkafólks og í Alþjóða flutningamannasambandinu. Þetta verður því tekið upp á alþjóðavísu og slík mál fara þá til Brussel“, segir Kristján Gunnarsson. Hann telur frestun verkfallsins gera það að verkum að menn séu nú aftur á byrjunarreit.
„Það eru hreinar línur að menn eru í miklu meiri klemmu en áður var. Ég er búinn að heyra í körlunum mínum og það eru skýr skilaboð um að nú vilji menn bara halda sig við upphaflega kröfugerð. Með þessari lagasetningu fengum við blautan sjóvettling í andlitið eina ferðina enn.“
Hvert er framhaldið?
„Það er búið að boða til samningafundar í dag klukkan hálftvö. Ég á ekki von á miklum gangi í viðræðum, nema útvegsmenn mæti þá gjafmildir til leiks. Þessi karlagrey sem ekkert vissu um
lagasetninguna fyrr en klukkan fimm, þrátt fyrir að þeir hafi verið að boða menn til skips um klukkan tvö á mánudag. Það er því greinilegt að Friðrik J. Arngrímsson hjá LÍÚ virðist vita miklu minna um þetta en óbreyttir útgerðarmenn úti á landi.
Ég frétti af útgerðamönnum norður á Sauðárkróki og í Keflavík sem voru búnir að boða sína menn um miðjan dag á mánudag. Þeir skyldu fara að koma sér í gallann því það væru að koma lög. Allt flug var þá meira og minna þéttsetið af sjómönnum sem voru að reyna að komast til skips, en LÍÚ vissi samt ekkert um lagasetninguna,“ sagði Kristján Gunnarsson.
Friðrik J. Arngrímsson, framkvæmdastjóri Landssambands íslenskra útvegsmanna, segir að í dag verði haldið áfram viðræðum þar sem frá var horfið. „Ég á ekki von á að frestun verkfalls breyti neinu, en það er þó langt frá því að það sé búið að leysa deiluna.“ Hann sagðist ekki vilja vera með neinar getgátur um það hvort samningar næðust áður en verkfallsfrestunin rennur út. Hann aftók að samninganefndarmenn hefðu vitað um lagasetninguna fyrr en síðdegis á mánudag.
„Við fórum á fund með ráðherranum 20 mínútur yfir þrjú. Við fengum síðan fréttirnar af ákvörðuninni opinberlega fyrst í útvarpinu klukkan fimm,“ sagði Friðrik Arngrímsson. Mbl.is greindi frá.
