Sinueldur í rigningunni!

Þrátt fyrir að nú sé úrhellis rigning í Reykjanesbæ tókst einhverjum að fara ógætilega með eldfæri í sinu í Innri Njarðvík. Þar logaði myndarlegur sinueldur fyrir fáeinum mínútum. Lögreglumenn og slökkviliðsmenn voru hins vegar fljótir að ráða niðurlögum eldsins en mikinn og þykkan reyk lagði frá sinueldinum og yfir Ásahverfið og Keflavíkurflugvöll. Nú ætti sinan hins vegar að vera orðinn gegnblaut og því lítil hætta á frekari eldum - í bili a.m.k.

Mynd: Frá slökkvistarfi nú áðan. Ljósmynd: Hilmar Bragi