Sigríður Bryndís sýnir í Listatorgi

Sigga er fædd 1948 og ólst upp í 14 systk­ina­hópi að Reykja­nes­vita. Hún hef­ur ver­ið að mála mynd­ir síð­an árið 1999. „Kol­brún Vídalín lista­kona hvatti mig það ár til að koma á nám­skeið hjá sér í Sand­gerði en ég sagð­ist ekki kunna neitt að mála, hvað þá teikna. Ég fór nú samt hálf­rög og með góðri til­sögn Kollu þá tókst mér að opna fyr­ir lista­kon­una í mér. Ég hef þrisvar sinn­um ver­ið á nám­skeiði hjá henni. Í dag mála ég mynd­ir mér til gam­ans og stund­um er ég svo hissa þeg­ar ég er að setja mig í stell­ing­ar og byrja á mynd, því þá flæð­ir mynd­in bara fram. Ég mála mest lands­lags­mynd­ir, nátt­úr­an er mér öll svo kær og þá sér­stak­lega um­hverf­ið í kring­um Reykja­nes­vita og á Suð­ur­nesj­um. Jökl­ar og foss­ar á Ís­landi heilla mig einnig," seg­ir Sigga.

Eft­ir að Sigga fór að mála mynd­ir seg­ist hún sjá nátt­úr­una í allt öðru ljósi þeg­ar hún ferð­ast um land­ið. Nú er um­hverf­ið inn­blást­ur að lista­verki.

All­ir eru hjart­an­lega vel­komn­ir að vera við­stadd­ir opn­un lista­sýn­ing­ar Siggu klukk­an tvö á laug­ar­dag­inn.

Sýn­ing­in í Lista­torgi stend­ur til 30.júní. Opið er alla daga frá klukk­an 13-17.