Síðasti íbúafundurinn í bili

Árni Sigfússon, bæjarstjóri Reykjanesbæjar, heldur í kvöld sinn síðasta íbúafund í bili þegar hann talar fyrir íbúa norðan Aðalgötu.

Fundurinn fer fram í Heiðarskóla og hefst kl. 20.

Á fundum þessum hefur m.a. verið fjallað um helstu verkefni í bænum á sviði umhverfismála, gatnaframkvæmda, skólamála, félagsþjónustu, ferðaþjónustu, menningar, íþrótta og tómstunda.

Þá er farið yfir framkvæmdir í hverfum og tekið við ábendingum íbúa um það sem betur má fara.

Rétt er að benda á að hægt er að hlusta á fundina í beinni útsendingu á vefsíðu bæjarins. Þar er einnig hægt að nálgast samantektir frá fundum sem þegar hafa verið haldnir, bæði á kynningum bæjarstjóra sem og á fyrirspurnum fundarmanna og svörum við þeim.

Að lokum má geta þess að fyrirhuguðum fundum með framhalds- og grunnskólanemum var frestað til hausts að ósk nemenda.*

www.rnb.is