Síðasti dagur til að tilnefna fjölskylduvæn fyrirtæki

Í fjölskyldustefnu Reykjanesbæjar er kveðið á um að árlega skuli veittar viðurkenningar til fjölskylduvænna fyrirtæka í Reykjanesbæ. Með því vill Reykjanesbær hvetja stjórnendur tyrirtækja til að setja sér fjölskyldustefnu. Þetta er í áttunda sinn sem slíkar viðurkenningar eru veittar og hafa fjölmörg fyrirtæki þegar hlotið nafnbótina "fjölskylduvænt fyrirtæki".

Óskað er eftir tilnefningum frá starfsmönnum fyrirtækja sem telja sinn vinnustað fjölskylduvænan. Rökstuðningur og fjölskyldustefna fyrirtækisins þarf að fylgja með tilnefningunni.

Fjölskyldu- og félagsmálaráð fer yfir tilnefningar og viðurkenningar verða veittar á degi um málefni fjölskyldunnar sem haldinn er þann 27. febrúar nk. í Íþróttaakademíunni.

Tilnefningar þurfa að hafa borist fyrir 27. janúar, sem er í dag, til Fjölskyldu- og félagssviðs Reykjanesbæjar, Tjarnargötu 12, 230 Reykjanesbæ, merktar FJÖLSKYLDUVÆN FYRIRTÆKI. ?

Einnig er hægt að senda inn tilnefningu með því að smella á hlekkinn hér!