„Síðan kom gusa og þá fór einn í sjóinn“
Leitin að skipverjanum sem saknað er af netabátnum Bjarma VE, sem sökk við Þrídranga um hádegisbilið á laugardaginn, hefur enn engan árangur borið. Alls voru fjórir menn um borð í bátnum þegar hann sökk. Þremur var bjargað í þyrlu Landhelgisgæslunnar, TF-SIF, og voru þeir fluttir á sjúkrahúsið í Vestmannaeyjum. Einn þeirra lést áður en þangað var komið. Frétt af Vísir.is.
Sá sem lést, hét Matthías Hannesson, til heimilis í Reykjanesbæ. Hann, var fertugur og lætur eftir sig sambýliskonu og tvær dætur. Maðurinn sem leitað er að heitir Snorri Norðfjörð Haraldsson, 56 ára, til heimilis í Reykjanesbæ. Hann var skipstjóri bátsins og hálfbróðir Matthíasar. Þeir sem komust lífs af eru frá Grindavík og Ísafirði. Annar þeirra er um tvítugt en hinn aðeins eldri. Leitað var á hafi á laugardaginn og í gær var leitað á strandlengjunni frá Herdísarvík og austur að Jökulsárlóni. Alls tóku um 40 manns þátt í leitinni á 8 jeppum og tveimur fjórhjólum. Nokkuð hvasst var á leitarsvæðinu í gær og kalt en aðstæður til leitar að öðru leiti ágætar. Ætlunin var að nota björgunarbátana Odd V. Gíslason frá Grindavík og Þór frá Vestmannaeyjum til leitar á sjó í gær en það var ekki hægt vegna veðurs.
Davíð Þór Einarsson, eigandi Bjarma, sagði að báturinn, sem er um 60 tonna stálbátur, hefði verið á leið til Grindavíkur þar sem nýr eigandi átti að taka við honum. Áhöfnin hefði sérstaklega verið ráðin til að fara með bátinn. Hann sagðist hafa rætt við skipverjana sem komust lífs af og að þeir væru báðir búnir að ná sér. Skipverjarnir náðu að kalla eftir hjálp áður en þeir yfirgáfu Bjarma um borð í björgunarbát, þar sem þeir höfðust við í um tvo tíma. Davíð Þór sagði að þeir hefðu hins vegar ekki komist inn í björgunarbátinn og því legið allir fjórir ofan á honum.
"Síðan kom ein gusa og þá fór einn í sjóinn og þeir sáu hann ekkert meira," sagði Davíð Þór. "Síðan kom önnur gusa og eftir það sáu þeir annan fljóta fyrir utan. Þyrlan náði þeim samt öllum þremur upp, en einn þeirra lést áður en komið var á sjúkrahúsið." Jón A. Ingólfsson, hjá rannsóknarnefnd sjóslysa, tók skýrslu af skipverjunum í gær. Þeir gátu ekki gefið fullnægjandi skýringu á því hvers vegna báturinn sökk. Davíð Þór, sem var á bátnum í þrjú ár, sagðist ekki mega tjá sig neitt um tildrög slyssins.
Samkvæmt heimildum Fréttablaðsins voru öll veiðarfærin uppi á dekki þegar báturinn sökk. Lestin var hins vegar einnig full þannig að stöðugleiki bátsins hefði átt að vera í lagi. Líklegast þykir að báturinn hafi fengið á sig brot og ekki náð að tæma sig. Héraðsdómur Suðurlands mun á næstu dögum taka ákvörðun um það hvort og þá hvenær sjópróf munu fara fram.
Sá sem lést, hét Matthías Hannesson, til heimilis í Reykjanesbæ. Hann, var fertugur og lætur eftir sig sambýliskonu og tvær dætur. Maðurinn sem leitað er að heitir Snorri Norðfjörð Haraldsson, 56 ára, til heimilis í Reykjanesbæ. Hann var skipstjóri bátsins og hálfbróðir Matthíasar. Þeir sem komust lífs af eru frá Grindavík og Ísafirði. Annar þeirra er um tvítugt en hinn aðeins eldri. Leitað var á hafi á laugardaginn og í gær var leitað á strandlengjunni frá Herdísarvík og austur að Jökulsárlóni. Alls tóku um 40 manns þátt í leitinni á 8 jeppum og tveimur fjórhjólum. Nokkuð hvasst var á leitarsvæðinu í gær og kalt en aðstæður til leitar að öðru leiti ágætar. Ætlunin var að nota björgunarbátana Odd V. Gíslason frá Grindavík og Þór frá Vestmannaeyjum til leitar á sjó í gær en það var ekki hægt vegna veðurs.
Davíð Þór Einarsson, eigandi Bjarma, sagði að báturinn, sem er um 60 tonna stálbátur, hefði verið á leið til Grindavíkur þar sem nýr eigandi átti að taka við honum. Áhöfnin hefði sérstaklega verið ráðin til að fara með bátinn. Hann sagðist hafa rætt við skipverjana sem komust lífs af og að þeir væru báðir búnir að ná sér. Skipverjarnir náðu að kalla eftir hjálp áður en þeir yfirgáfu Bjarma um borð í björgunarbát, þar sem þeir höfðust við í um tvo tíma. Davíð Þór sagði að þeir hefðu hins vegar ekki komist inn í björgunarbátinn og því legið allir fjórir ofan á honum.
"Síðan kom ein gusa og þá fór einn í sjóinn og þeir sáu hann ekkert meira," sagði Davíð Þór. "Síðan kom önnur gusa og eftir það sáu þeir annan fljóta fyrir utan. Þyrlan náði þeim samt öllum þremur upp, en einn þeirra lést áður en komið var á sjúkrahúsið." Jón A. Ingólfsson, hjá rannsóknarnefnd sjóslysa, tók skýrslu af skipverjunum í gær. Þeir gátu ekki gefið fullnægjandi skýringu á því hvers vegna báturinn sökk. Davíð Þór, sem var á bátnum í þrjú ár, sagðist ekki mega tjá sig neitt um tildrög slyssins.
Samkvæmt heimildum Fréttablaðsins voru öll veiðarfærin uppi á dekki þegar báturinn sökk. Lestin var hins vegar einnig full þannig að stöðugleiki bátsins hefði átt að vera í lagi. Líklegast þykir að báturinn hafi fengið á sig brot og ekki náð að tæma sig. Héraðsdómur Suðurlands mun á næstu dögum taka ákvörðun um það hvort og þá hvenær sjópróf munu fara fram.
