Sex sóttu um stöðu slökkvistjóra í Grindavík
Staða slökkviliðsstjóra Slökkviliðs Grindavíkur var nýlega auglýst laus til umsóknar og rann umsóknarfrestur út 4. október síðastliðinn. Á vef Grindavíkurbæjar segir að nú taki við vinna við úrvinnslu umsókna en það er ráðgjafafyrirtækið Intellecta sem sér um ráðningarferlið.
Eftirfarandi sóttu um stöðuna:
Davíð Arthur Friðriksson, atvinnuslökkviliðsmaður og björgunarstjóri,
Einar Sveinn Jónsson, slökkviliðsmaður og verkefnastjóri, Gísli Briem, sjálfstæður atvinnurekandi, Sturla Ólafsson, slökkviliðs- og sjúkraflutningamaður, Theodór Kjartansson, öryggis- og vinnuverndarfulltrúi, og Þorlákur Snær Helgason, sérfræðingur á sviði brunavarna.
