Sex ökumenn teknir á Brautinni
Lögreglan á Suðurnesjum stöðvaði sex ökumenn vegna hraðakstur á Reykjanesbraut í nótt, en þeir voru með hert eftirlit einmitt til að taka á þess háttar brotum.
Ökumennirnir sex voru langt yfir löglegum hámarkshraða, eða á milli 126 og 144 km/klst.
Gæti sá sem hraðast fór átt von á 130.000 kr. sekt, 1 mánaðar sviptingu ökuréttinda og 3ja refsipunkta í ökuferilsskrá.
