SEX MEÐ HAGLARA
Tilkynnt var til lögreglunnar í Keflavík um menn á ferð með skotvopn á Vatnsleysuströnd kvöldið eftir kosningar, sunnudagskvöld. Í ljós kom að þarna voru sex karlmenn á ferð með eina haglabyssu til skiptanna. Enginn sexmenningana hafði byssuleyfi meðferðis og aðeins einn þeirra sagðist eiga slíkt. Haglarinn og skotfærin eru nú í vörslu lögreglu.
