Sex mánuðir skilorðsbundið fyrir hættulega árás

Héraðsdómur Reykjaness dæmdi í dag 27 ára gamlan karlmann í sex mánaða skilorðsbundið fangelsi fyrir hættulega líkamsárás á skemmtistað í Reykjanesbæ. Maðurinn sló fórnarlamb sitt í höfuðið með glerglasi sem brotnaði auk þess að slá það ítrekað í andlitið. Fórnarlambið hlaut sár á höfði og kjálka. Árásarmaðurinn játaði brot sitt

Héraðsdómur dæmdi manninn sem fyrr segir í sex mánaða fangelsi, skilorðsbundið til tveggja ára. Þá var honum gert að greiða 86.900 krónur í sakarkostnað.