Sex handteknir vegna fjórhjólaþjófnaðar

Alls haf sex einstaklingar verið handteknir í tengslum við þjófnaðarmál þar sem fimm fjórhjólum var stolið úr bækistöðvum fyrirtækisins ATV4x4 í Grindavík. Þrjú hjólanna komu fljótlega í leitirnar og hin tvö skömmu síðar. Fimm þessara einstaklinga voru handteknir í gærkvöldi, samkvæmt því sem mbl.is greinir frá í morgun.

Hvert hjól kostar rúmlega tvær milljónir króna. Fyrri hjólin fundust í flutningabifreið, sem tekin hafði verið á leigu til verknaðarins. Einn maður var handtekinn í kjölfarið. Hinum fjórhjólunum hafði verið komið fyrir í geymslu í Breiðholti og voru hinir fimm handteknir í gær, sem fyrr segir.

Auk fjórhjólanna var fylgihlutum fjórhjólanna stolið, svo sem hjálmum, göllum, skóm og vettlingum. Hluti búnaðarins hefur komið í leitirnar.

www.mbl.is